Category Archives: MalayalamMovies

Nivin Pauly’s Sakhavu Audio Lounch Images ,Movie Images & News

Nivin Pauly’s Sakhavu Audio Lounch Images ,Movie Images & News

Sakhavu, the much-awaited Nivin Pauly starrer, is all set to release on April 15. The trailer of the political drama which is directed by actor turned National award-winning director Sidhartha Siva, has already become a rage ever since it was launched on April 1. 

 The audio launch of the movie was held with much fanfare on Wednesday in front of thousands of fans at Alappuzha beach. 

 Early last week, Nivin also held a roadshow in Thalassery as part of promoting the film. “There response has been overwhelming ever since the launch of the film’s trailer. We received a grand welcome from the people of Thalassery and Alappuzha,” Nivin said.

Nivin Pauly’s Sakhavu Audio Lounch Images & Movie Images 

The movie, which will be the first release of Nivin Pauly in 2017, is one of the highly anticipated upcoming Malayalam projects of the year. 

 Nivin will essay two characters Krishnan and Krishna Kumar in Sakhavu. Popular Tollywood cinematographer George C Williams cranks the camera for the film while Aishwarya Rajesh plays is the heroine in the film.

Nivin Pauly’s Sakhavu Official Trailor

Produced by B.Rakesh under the banner of Universal Cinema, Sakhavu also features Gayathri Suresh, Aparna Gopinath, Sreenivasan, KPAC Lalitha and Maniyanpilla Raju. Prashanth Pillai has composed songs for the film.

Thanks & Regards-Suresh Chandra

மோகன்லால் நடிக்கும் “ புலிமுருகன் “ 150 கோடி வசூல் சாதனை

மோகன்லால் நடிக்கும் “ புலிமுருகன் “ 150 கோடி வசூல் சாதனை

மோகன்லால் நடிக்கும் “ புலிமுருகன் “ 150 கோடி வசூல் சாதனை  

சின்ன மாநிலம் சின்ன பட்ஜெட் படங்கள்.. இமாலய சாதனை என்பது மலையாளத் திரைப்பட வரலாறு. அதை முறியடித்த பெருமை “ புலிமுருகன்” படத்தையே சாரும்.

சமீபத்தில் வெளியான புலிமுருகன் படத்தின் பட்ஜெட் 37 கோடி ரூபாய் இவ்வளவு பட்ஜெட்டா ? தாங்குமா ? வசூலாகுமா ? என்று புலம்பியவர்கள் வசூல்சாதனை 150 கோடியை தாண்டியதும் வாய் பிளந்தார்கள்  மலையாளத் திரையுலகின் அதிக பட்ஜெட் படம், அதிக வசூல் படம் என்கிற இரண்டு பெருமையுமே புலிமுருகன் என்கிற இந்தப் படத்தையே சேரும்.

மோகன்லாலின் கிரீடத்திற்கு உரிய புலிமுருகன் அதே பெயரில் தமிழில் உருவாக்கப்படுகிறது. மலையாளத்தில் பிரபல பட நிறுவனமான முலக்குபாடம் பிலிம்ஸ் புலிமுருகன் படத்தை தமிழிலும் உருவாக்குகிறது. கதாநாயகியாக கமாலினி முகர்ஜி நடிக்கிறார். மற்றும் ஜெகபதிபாபு, லால், கிஷோர், நமீதா நடித்திருக்கிறார்கள். ஆக்ஷன் மற்றும் அட்வென்சர் படமாக புலிமுருகன் படம் உருவாகி இருக்கிறது. புலிமுருகன் படத்தின் வசனத்தை ஆர்.பி.பாலா எழுதி இருக்கிறார்.

பாடல்கள்  -சினேகன், ஆர்.பி.பாலா /  ஒளிப்பதிவு  – ஷாஜிகுமார், இசை – கோபிசுந்தர் /   எடிட்டிங் – ஜான் ,ஸ்டன்ட்- பீட்டர் ஹெய்ன் / கதை, திரைக்கதை -உதயகிருஷ்ணா.இந்த பிரமாதமான படத்தை இயக்கி இருப்பவர்  – வைஷாக்,தயாரிப்பு  – தோமிச்சன் முலக்குப்பாடம்.

படத்தின் கதையம்சம் இதுதான். ஒரு புலி தனது  தந்தையை தன்  கண்ணெதிரே அடித்துக் கொன்றதை பார்த்த சிறுவன் ஒருவன், அதே புலியை கொன்று பழி தீர்க்கிறான். அதற்கு பிறகு புலிகளிடமிருந்து அந்த கிராமத்தை பாதுகாக்கும் சிறுவன் வளர்ந்து பெரியவனான பிறகும் அதே பணியை செய்கிறான்.  அவர் எப்படியெல்லாம் புலிகளுடன் போராடுகிறார் என்பது பரபரப்பான திரைக்கதை. புலிகளுடன்  மோகன்லால் போராடும் நான்கு ஸ்டன்ட் காட்சிகள் திடுக்கிட வைக்கும்.

புலியுடன் மோகன்லால் மோதும் கிளைமாக்ஸ் ஸ்டன்ட் காட்சி 96 நாட்கள் ஹாலிவுட் தரத்துடன் பீட்டர் ஹெய்ன் உருவாக்கியுள்ளார். புலிமுருகன் தெலுங்கில் மன்னியம் புலி என்ற பெயரில் வெளியாக சூப்பர் ஹிட் ஆகி இருக்கிறது. தமிழிலும் வீரப் பாய்ச்சலாக புலிமுருகன் விரைவில் வெளிவர உள்ளது.

Warm Regard’s-P R O – மௌனம்ரவி

நடிகர் கலாபவன் மணி வயிற்றில் கொடிய விஷம்:

நடிகர் கலாபவன் மணி வயிற்றில் கொடிய விஷம்

தமிழ், மலையாள படங்களில் நடித்துள்ள கலாபவன் மணி கடந்த 6-ந்தேதி மரணம் அடைந்தார். பண்ணை வீட்டில் நண்பர்களுடன் மதுகுடித்தபோது மயங்கி விழுந்த அவரை ஆஸ்பத்திரியில் சேர்த்தனர். அங்கு சிகிச்சை பலன் இன்றி இறந்தார். கலாபவன் மணி உடலை பரிசோதனை செய்த டாக்டர்கள் அவர் அருந்திய மதுவில் அளவுக்கு அதிகமாக மெத்தனால் இருந்ததாக தெரிவித்தனர்.

kalabhavan-mani-family-012

உரிமம் பெற்று விற்கப்படும் மதுவில் இவ்வளவு அதிக அளவில் மெத்தனால் இருக்க வாய்ப்பு இல்லை என்றும் கூறினார்கள். இது பட உலகில் பரபரப்பை ஏற்படுத்தியது.

இந்த நிலையில் கலாபவன் மணியின் குடற்பகுதிகள் ரசாயன ஆய்வுக்காக கொச்சியில் உள்ள வட்டார ரசாயன ஆய்வகத்துக்கு அனுப்பி வைக்கப்பட்டது. இந்த ஆய்வில் அவருடைய உடலில் கொடிய விஷம் கலந்து இருப்பது தெரிய வந்துள்ளது.

இது குறித்து ஆய்வகத்தின் இணை ரசாயன ஆய்வாளர் முரளிதரன் நாயர் கூறுகையில், “கலாபவன் மணியின் வயிற்று குடற்பகுதி மாதிரிகளில் மிகவும் கொடிய பூச்சிக் கொல்லி மருந்தான குளோர்பைரிபோஸ் இருந்தது ஆய்வில் கண்டறியப்பட்டு உள்ளது. இது தவிர, மெத்தனால் மற்றும் எத்தனால்(மது) ஆகியவையும் இருந்தன“ என்றார்.

எனவே மதுவில் கலாபவன் மணிக்கு பூச்சிக்கொல்லி மருந்தை கலந்து கொடுத்து இருக்கலாம் என்று சந்தேகம் எழுந்துள்ளது. இதனால் இந்த வழக்கில் மீண்டும் பரபரப்பு ஏற்பட்டு இருக்கிறது.

கலாபவன் மணி மரணம் அடைவதற்கு முன்தினம் அவருடன் மலையாள நடிகர்கள் சாபு, ஜாபர் இடுக்கி ஆகியோர் தங்கி இருந்ததாக தகவல் கிடைத்தது. போலீசார் அவர்களிடம் விசாரணை நடத்தினர். ‘‘கலாபவன் மணி மது அருந்தியபோது நான் அங்கிருந்து சென்று விட்டேன்’’ என்று சாபு வாக்குமூலம் அளித்தார்.

ஜாபர் இடுக்கி, ‘‘நாங்கள் எல்லோரும் சேர்ந்து மது அருந்தினோம்’’ என்று கூறினார். நடிகர் சாபுவுக்கும், கலாபவன் மணிக்கும் ஏற்கனவே முன் விரோதம் இருந்ததாக இணையதளங்களில் தகவல் பரவியது. இதனை சாபு மறுத்துள்ளார். ‘‘கலாபவன்மணி மரணத்தில் தேவையில்லாமல் என்னை சம்பந்தப்படுத்துகின்றனர். அவருடன் நான் மது அருந்தவில்லை’’ என்று கூறினார்.

இந்த வழக்கில் திடீர் திருப்பமாக தற்போது அருண், விபின், முருகன் ஆகிய 3 பேரை பிடித்து போலீசார் விசாரணை நடத்தி வருகின்றனர். இவர்கள் கலாபவன் மணி வீட்டில் வேலை பார்த்தவர்கள். கலாபவன் மணி ஆஸ்பத்திரியில் இறந்ததும் இவர்கள் 3 பேரும் அவசரமாக பண்ணை வீட்டுக்கு திரும்பி வீட்டை சுத்தப்படுத்தி உள்ளனர்.

அங்கிருந்த மதுபாட்டில்களையும் அப்புறப்படுத்தி உள்ளனர். கலாபவன் மணி வாந்தி எடுத்ததையும் கழுவி சுத்தப்படுத்தி இருக்கின்றனர். தடயங்களை இவர்கள் 3 பேரும் அழித்திருக்கலாம் என்று போலீசார் சந்தேகிக்கின்றனர். இதனால், 3 பேரிடம் தீவிர விசாரணை நடக்கிறது.

இதுகுறித்து கலாபவன் மணியின் தம்பி ராமகிருஷ்ணன் கூறும்போது, ‘‘என் அண்ணனுடன் மது அருந்திய யாரும் பாதிக்கப்படவில்லை. என் அண்ணன் உடலில் மட்டுமே அளவுக்கு அதிகமான மெத்தனால் இருந்து இருக்கிறது. அவர் உயிர் இழப்பதற்கு முன்பாக அவருடன் மது அருந்திய அத்தனை பேர் மீதும் எனக்கு சந்தேகம் உள்ளது. எனவே இதை கொலை வழக்காக பதிவு செய்து விசாரணை நடத்த வேண்டும்’’ என்றார்.

காசர்கோட்டில் நிருபர்களுக்கு பேட்டி அளித்த மாநில முதல்-மந்திரி உம்மன்சாண்டி, “நடிகர் கலாபவன் மணி மரணம் குறித்த விசாரணை சரியான திசையில் சென்று கொண்டு இருக்கிறது. நடிகரின் குடும்பத்தினர் கேட்டுக் கொண்டால் உயர்மட்ட விசாரணைக்கு உத்தரவிடவும் அரசு தயாராக இருக்கிறது“ என்று தெரிவித்தார்.

 

 

 

200 படங்களுக்கு மேல் நடித்த பிரபல நடிகர் கலாபவன் மணி கொச்சியில் காலமானார்

200 படங்களுக்கு மேல் நடித்த பிரபல நடிகர் கலாபவன் மணி கொச்சியில் காலமானார்

சென்னை, 200–க்கும் மேற்பட்ட படங்களில் நடித்த நடிகர் கலாபவன் மணி நேற்று மரணம் அடைந்தார். அவருக்கு வயது 45. அவரது இறுதிச்சடங்கு கேரளாவில் இன்று (திங்கட்கிழமை) நடக்கிறது.

‘ஜெமினி’, ‘சம்திங் சம்திங்’, ‘ஏய்’, ‘பந்தா பரமசிவம்’, ‘குத்து’, ‘மலை’ உள்பட 30–க்கும் மேற்பட்ட தமிழ்ப் படங்களில் நடித்தவர் கலாபவன் மணி. கேரளாவைச்சேர்ந்த இவர், மலையாளப்படங்களில் சிறிய வேடங்களில் நடித்து பிரபலமானார்.

தமிழ், தெலுங்கு, மலையாளம் ஆகிய மொழிகளில் 200–க்கும் மேற்பட்ட படங்களில் நடித்து இருக்கிறார்.

Kalabhavan-Mani-2163கலாபவன் மணிக்கு நுரையீரல் மற்றும் சிறுநீரக நோய் இருந்து வந்தது. அதற்காக சிகிச்சை பெற்று வந்தார். அவரது உடல்நிலை மோசம் அடைந்ததால், இரு தினங்களுக்கு முன் கொச்சியில் உள்ள தனியார் ஆஸ்பத்திரியில் அனுமதிக்கப்பட்டார். டாக்டர்கள் தீவிர சிகிச்சை அளித்தும் பலன் இன்றி கலாபவன் மணி நேற்று இரவு 7.15 மணிக்கு மரணம் அடைந்தார்.

பின்னர் அவரது உடல், ஆஸ்பத்திரியில் இருந்து சாலக்குடியில் உள்ள அவரது வீட்டுக்கு கொண்டு செல்லப்பட்டது.

அங்கு கலாபவன் மணியின் உடல் பொதுமக்கள் அஞ்சலி செலுத்துவதற்காக வைக்கப்பட்டது. ஏராளமான பொதுமக்களும், திரையுலக பிரமுகர்களும் வந்து அஞ்சலி செலுத்தினார்கள்.

கலாபவன் மணியின் மரணம் குறித்து திரையுலகினர் அதிர்ச்சி தெரிவித்து உள்ளனர். கலாபவன் மணியின் மறைவு ஈடுசெய்ய முடியாத இழப்பு என்று பிரபல மலையாள இயக்குனர் கமல் தெரிவித்தார்.

kalabhavan-mani-family-012

கலாபவன் மணியின் இறுதிச்சடங்கு இன்று (திங்கட்கிழமை) நடைபெறுகிறது.

கலாபவன் மணி கேரள மாநிலம் சாலக்குடியில் 1971–ம் ஆண்டு ஜனவரி 1–ந்தேதி பிறந்தார். ஆட்டோ டிரைவராக பணியாற்றிய அவர் கலாபவன் என்ற கலைக்குழுவில் சேர்ந்து, மேடை நிகழ்ச்சிகளில் பலகுரலில் பேசி வந்தார். நாட்டுப்புற பாடல்களையும் பாடி வந்தார்.

அதன்பிறகு, ‘அக்ஷாரம்’ என்ற மலையாள படத்தின் மூலம் திரையுலகில் அடியெடுத்து வைத்த அவர், பின்னர் ஏராளமான மலையாள படங்களில் நடிக்க தொடங்கினார். ‘வசந்தியும் லட்சுமியும் பின்னே ஞானும்’ என்ற படத்தில் பார்வையற்ற பாடகராக நடித்தார். இந்த படத்தில் சிறப்பாக நடித்ததற்காக அவர் கேரள மாநில அரசின் விருதை பெற்றார். மத்திய அரசின் சிறப்பு விருதும் கிடைத்தது.

மலையாள பட உலகில் கிடைத்த வரவேற்பை தொடர்ந்து ஏராளமான தமிழ் மற்றும் தெலுங்கு படங்களிலும் நடித்தார். தமிழில் பல படங்களில் வில்லனாக நடித்தார். நகைச்சுவை கலந்த வில்லன் பாத்திரங்களிலும் நடித்து இருக்கிறார். அவர் கடைசியாக நடித்த படம் ‘பாபநாசம்’.

மரணம் அடைந்த கலாபவன் மணிக்கு நிம்மி என்ற மனைவியும், ஸ்ரீலட்சுமி என்ற மகளும் உள்ளனர். நிம்மி கால்நடை மருத்துவர் ஆவார்.

« Older Entries